Ish-ambasadori dhe drejtori i KIPRED-it, Lulzim Peci, do të jetë i ftuar sot në emisionin “60 Minuta” për të diskutuar për zhvillimet kryesore ndërkombëtare.
Flasim për humbjen e fuqisë politike të Trumpit brenda Kongresit amerikan në zgjedhjet e mes mandatit?
Integrimin evropian të shteteve të Ballkanit Perëndimor dhe ngecjen e Kosovës në këtë proces?
Çka rrezikon Kosova të humbë në raport me integrimin në BE si shkak i mos përmbushjes së reformave dhe humbjes së milionave euro nga Plani i Rritjes?
Çka pasqyron Raporti i Progresit për Kosovën në shumë fusha si sundimin e ligjtë, luftën kundër korrupsionit, progresin e limituar në investime kapitale, problemet në fushën e energjisë?
A mund të presë Kosova përparim në procesin e integrimit pa reforma të thella institucionale dhe politike?
Cilat çështje janë urgjente që duhet të adresohen nga qeveria që raporti i ardhshëm të mos ketë përsëri kritikat e njëjta?
A po e ka të vështirë Kosova që pas heqjes së masave ndëshkuese të BE-së, ta rikthejë besimin e partnerëve evropianë?