Ka skalitur në mermer formën e tri qelesheve si përpjekje për t’i ruajtur e dokumentuar vlerat kombëtare.
Plisat që u përkasin krahinave të ndryshme janë formësuar në miniaturë nga skulptori autodidakt, Haxhi Gjoni.
I brengosur se kjo traditë nuk po bartet te brezat e rinj, artisti nga Peja ka punuar tri qeleshe në dimensionet dymbëdhjetë centimetra lartësi dhe tetë gjerësi.
Krahas qelesheve, ai në miniaturë e ka punuar edhe portretin e Lekë Dukagjinit, si dhe një stilolaps të rrethuar prej gjarpri si sinonim i rezistencës së veprimtarit Adem Demaçi.
I pasionuar pas gdhendjes së figurave në gur, Gjoni thotë se një pjesë e krijimtarisë së tij u dedikohet figurave kombëtare.
Haxhi Gjoni, para dy vjetësh hapi ekspozitë personale në Galerinë e Ministrisë së Kulturës në Prishtinë.
Ai e kishte në plan hapjen e një ekspozite në qytetin e tij të lindjes, por për shkak të gjendjes së pandemisë organizimin e ka shtyrë për vitin tjetër.
-
5 gusht 2020 23:49
-
Shpërndaje në: