5 perditesime
16:52

Goli i Alioskit nuk e shpëton Maqedoninë e Veriut

Goli i shënuar nga shqiptari Ezgjan Alioski nuk i ka kryer punë Maqedonisë së Veriut në ndeshjen e dytë të Grupit C të Kampionatit Evropian “Euro 2020”, përballë Ukrainës. Përfaqësuesja e Andriy Shevchenko fitoi në fund me rezultatin 2:1.

Andriy Yarmolenko dhe Roman Yaremchuk realizuan dy golat në pjesën e parë për Ukrainën, ndërsa Alioski ngushtoi epërsinë në minutën e 57-të. Ai shënoi nga topi i kthyer pasi penaltinë paraprakisht ia priti portieri ukrainas.

Në tabelën e Grupit C, Maqedonia është e fundit me asnjë pikë. Austria, Holanda e Ukraina kanë nga tri pikë. Holanda dhe Austria përballen më vonë mes vete në ndeshjen e mbetur të grupit.

16:20

Alioski shënon për Maqedoninë e Veriut

Maqedonia e Veriut e ka ngushtuar rezultatin në 2:1 ndaj Ukrainës.

Futbollisti shqiptar Ezgjan Alioski ka realizuar në minutën e 57-të. Fillimisht Alioski dështoi të shënojë nga penalltia, por pas topit të kthyer i tregua i saktë.

Alioski bëhet lojtari i parë shqiptarë që shënon në “Euro 2020”.

https://streamwo.com/5Tx5qJG

15:48

Ukraina shkon në pushim me dy gola avantazh

Ukraina e ka mbyllur pjesën e parë ndaj Maqedonisë së Veriut me epërsinë e dy golave. Andryi Jarmolenko 29' dhe Roman Yaremchuk 34' shënuan golat për ukrainasit, në ndeshjen e xhiros së dytë të fazës së grupeve në kuadër të Euro2020.

Te Maqedonia e Veriut, startues janë katër lojtarë shqiptarë: Enis Bardhi, Ezgjan Alioski, Arijan Ademi dhe Visar Musliu. Në bankë janë edhe Egzon Bejtullahi dhe Ferhan Hasani.

 

15:39

Ukraina shënon dy gola të shpejtë kundër Maqedonisë së Veriut

Ukraina ka realizuar edhe golin e dytë kundër Maqedonisë së Veriut.

Roman Yaremchuk shënoi në minutën e 34-t.

Te goli i dytë, asistues ishte autori i golit të parë, Andriy Jarmolenko.

https://streamwo.com/SQKPJT0

15:35

Ukraina kalon në epërsi kundër Maqedonisë së Veriut

Ukraina ka kaluar në epërsi ndaj Maqedonisë së Veriut.

Golin për ukrainasit e ka shënuar Andriy Jarmolenko më minutën e 29-të.

Kjo ndeshje i takon xhiros së dytë të Grupit C në kuadër të Euro 2020 në futboll.

https://streamwo.com/SQKPJT0

15:02

Maqedonia V. starton me katër shqiptarë kundër Ukrainës

Maqedonia e Veriut ka startuar me katër futbollistë shqiptarë ndeshjen e xhiros së dytë të Grupit C të Euro 2020 kundër Ukrainës.

Enis Bardhi, Ezgjan Alioski, Arijan Ademi e Visar Musliu janë në përbërjen startuese. Në stol janë Egzon Bejtulai e Ferhan Hasani.

Maqedonia e Veriut ndeshjen e parë e humbi me 3:1 nga Austria.

Image