Stadiumi “Wembley” do të presë deri në 45 mijë shikues për ndeshjet gjysmëfinale dhe finalen e Euro 2020. Kjo është bërë e ditur të hënën nga mediat angleze.

Vendimi për të hequr masat e kufizimit është shtyrë për një muaj, pas rritjes së rasteve me koronavirus, të variantit delta. Por “Wembleyt” i është garantuar e drejta që të bëj përjashtim nga masat në fuqi për ndeshjet përmbyllëse të Evropianit të futbollit.

Aktualisht në “Wembley” për Euro 2020 lejohen 22 mijë e 500 shikues. Numri do të dyfishohet për ndeshjet vendimtare.