Pas dorëheqjes së Stephane Mina, drejtuesit e Differdanget të Luksemburgut e kanë gjetur trajnerin e ri për ekipin e femrave. Postin e trajnerit kanë vendosur t’ia besojnë Agron Shabanit.
Trajneri 61-vjeçar kishte drejtuar ekipin e meshkujve të Differdange. Ka punuar po ashtu edhe te skuadra tjetër nga Luksemburgu, Berchem. Për tetë vjet e drejtoi përfaqësuesen e Kosovës në hendboll në konkurrencë të femrave.
Differdange garon në elitën e hendbollit të Luksemburgut.
Te Differdange presin shumë nga Shabani.