Përzgjedhësi i Gjermanisë në futboll, Jurgen Klopp, e ka kritikuar ashpër presidentin e FIFA-s, Gianni Infantino. Trajneri i njohur ka bërë thirrje për një lidership të ri në qeverisjen botërore të futbollit.
59-vjeçari krahasoi Infantinon me paraardhësin e tij, Sepp Blatter, i cili dha dorëheqje në vitin 2015 pas skandaleve të shumta.
“Nuk do ta kisha menduar kurrë se gjërat mund të përkeqësoheshin pas Sepp Blatterit. Dhe pastaj ai ia doli ta bënte pikërisht këtë”, tha Klopp të dielën.
“Mendoj se konsensusi tani është se një ndryshim do të kishte shumë kuptim”.
Infantino planifikon të garojë për mandatin e katërt si president i FIFA-s.
Kongresi i FIFA-s mbahet më 18 mars të vitit të ardhshëm. Afati i fundit për shpalljen e kandidaturës është të mërkurën.
Deri më tani Infantino nuk ka kundërkandidat.