Kryesia e Kuvendit ka marrë vendim që seanca e ardhshme e Kuvendit të mbahet të enjten e 5 nëntorit.
Deputeti i Aleancës, Besnik Tahiri, pas mbledhjes së Kryesisë ka njoftuar se seanca do të fillojë nga ora 12:00.
Në rendin e ditës kësaj mbledhjeje të Kryesisë thuhet se ndër pikat e kësaj seance do të jenë edhe propozimet e grupeve parlamentare të Lëvizjes Vetëvendosje, Partisë Demokratike të Kosovës dhe Listës Serbe për zëvendësimin dhe emërimin e deputetëve në komisionet parlamentare, si dhe leximi i parë i disa projektligjeve.