-
Übersetzt von: Vita Abrashi-Kajtazi
- 12. November 2026 13:20
- Teilen mit:
Një pajisje e re në formën e një krehëri mund të sjellë një zgjidhje premtuese për personat që vuajnë nga rënia e flokëve. E quajtur “Detangle”, ajo është zhvilluar nga studiuesit e Universitetit Beihang në Kinë dhe, sipas testeve të para, ka treguar rezultate më të mira se minoxidili, përbërësi aktiv i produktit kundër rënies së flokëve që quhet Rogaine, ka shkruar Die New York Post.
Krehëri, emri i të cilit është frymëzuar nga filmi i animuar i “Disneyt” “Tangled”, ka dhëmbëza të posaçme me elektroda që lëshojnë impulse të vogla elektrike. Këto ndihmojnë që trajtimi të depërtojë më thellë në lëkurën e kokës dhe të arrijë drejtpërdrejt te folikulat e flokëve, duke nxitur rritjen e tyre.
In einer Studie, die in der Fachzeitschrift Nature Communications veröffentlicht , pajisja u testua te minjtë, me rezultate premtuese. Pas 28 ditësh përdorimi, një herë në tri ditë, ajo mundësoi rritjen e plotë të flokëve në zonat e rruara. Në të njëjtën periudhë, minoxidili arriti rreth 70 për qind rikthim të flokëve, ndërsa edhe finasteridi dha rezultate më të dobëta.
Studiuesit zbuluan gjithashtu se pajisja ndihmon në krijimin e enëve të reja të gjakut rreth folikulave të flokëve, duke përmirësuar qarkullimin e gjakut dhe duke favorizuar rritjen e tyre.
“Shpërndarja e sigurt dhe efikase e trajtimit mbetet çelësi për suksesin në luftimin e rënies së flokëve”, thuhet në raportin e studimit.
Pavarësisht rezultateve, pajisja ende nuk është testuar te njerëzit dhe nuk dihet nëse do të ketë të njëjtin efekt edhe te personat që vuajnë nga rënia e flokëve.
Aktualisht, minoxidili dhe finasteridi mbeten dy nga trajtimet kryesore të miratuara nga Administrata Amerikane e Ushqimit dhe Barnave (FDA) për këtë problem.
Ndërkohë, po zhvillohen edhe alternativa të tjera. Një version i minoxidilit në formë tabletash, i quajtur VDPHL01, ka treguar rezultate pozitive në rritjen e flokëve te burrat pas gjashtë muajsh përdorimi.
Një tjetër trajtim eksperimental, TH07, kombinon tri substanca, finasterid, minoxidil dhe latanoprost, dhe në studimet e raportuara ka treguar rezultate më të mira sesa përdorimi i secilës prej tyre veçmas.
Megjithatë, krehëri “Detangle” mbetet në fazën eksperimentale dhe nevojiten studime te njerëzit për të vërtetuar sigurinë dhe efektivitetin e tij.
Fotografi nga filmi i animuar "Tangled":
