Unterstützen Sie TIME. Bewahren Sie die Wahrheit.
Arberi

Musmurati fordert von den Abgeordneten Rechenschaft für die Blockierung des Projekts für neue Lastwagen für „Pestrim“.

Besjane Musmurati

Foto: Driton Pacharada

Nënkryetarja e Komunës së Prishtinës, Besianë Musmurati, ka njoftuar se u janë drejtuar me letra zyrtare deputetëve të Kuvendit të Kosovës, duke kërkuar angazhimin e tyre institucional për siç ka thënë, “zhbllokimin e projektit prej 74.1 milionë eurosh për modernizimin e sistemit të menaxhimit të mbeturinave në rajonin e Prishtinës”.

Në një konferencë për media, Musmurati ka thënë se projekti i përgatitur në bashkëpunim me Bankën Gjermane për Zhvillim KfW, parasheh investime për blerjen e rreth 100 kamionëve të rinj, 10 mijë kontejnerëve, ndërtimin e qendrës për riciklimin dhe kompostimin e mbeturinave, si dhe modernizimin e shërbimeve të pastrimit.

Ajo ka thënë se për këtë projekt është punuar që nga viti 2023, nga Komuna e Prishtinës, Kompania “Pastrimi”, Ministrisë së Financave dhe KfW-ja. 

Ndërsa Qeveria sipas saj e ka miratuar në parim nismën për marrëveshjen e kredisë më 18 dhjetor 2024.

“Nuk po flasim për një ide që duhet të nisë nga zero. Po flasim për një projekt të përgatitur dhe të dakorduar mes palëve, i cili vazhdon të mbetet pa nënshkrimin e ministrit të Financave, Hekuran Murati”, ka deklaruar Musmurati.

ebenfalls Der stellvertretende Bürgermeister Musmurati macht Minister Murati für den Müll in Pristina verantwortlich. ABENDNACHRICHTEN Der stellvertretende Bürgermeister Musmurati macht Minister Murati für den Müll in Pristina verantwortlich.

Nënkryetarja e cilësoi mosnënshkrimin e marrëveshjes si bllokadë të motivuar politikisht, duke theksuar se pasojat po i bartin qytetarët e Prishtinës.

Sipas saj projekti është bllokuar për inate partiake. 

“Prishtina nuk mund të vazhdojë të paguajë çmimin e inateve partiake”, u shpreh ajo.

Përmes letrave zyrtare, Komuna e Prishtinës u kërkon deputetëve që të përdorin mekanizmat parlamentarë për të kërkuar sqarime nga Ministria e Financave lidhur me siç ka thënë, arsyet e mosnënshkrimit të marrëveshjes dhe të angazhohen për tejkalimin e bllokadës.

ebenfalls Musmurat macht die Regierung für die Situation bei der Firma "Pastrimi" verantwortlich. Arberi Musmurat macht die Regierung für die Situation bei der Firma "Pastrimi" verantwortlich.

“Letrave u janë bashkëngjitur edhe tri dokumente zyrtare: 1. Dokumenti i KfW-së lidhur me projektin dhe financimin e tij. 2.  Vendimi i Qeverisë së Kosovës i datës 18 dhjetor 2024, për miratimin në parim të nismës për marrëveshjen e kredisë. 3.  Letra e përbashkët e Komunës së Prishtinës, KRM “Pastrimi” dhe KfË-së, drejtuar Ministrisë së Financave më 15 maj 2026”, ka thënë Musmurati. 

“Deputetëve nuk po u drejtohemi vetëm me një kërkesë. Po ua dorëzojmë edhe dokumentacionin që dëshmon se ky projekt është përgatitur dhe se institucionet janë njoftuar zyrtarisht për nevojën e finalizimit të tij. Presim që deputetët ta ushtrojnë përgjegjësinë e tyre institucionale dhe të kërkojnë llogaridhënie”, ka shtuar Musmurati.