Ipeshkvi australian, Christopher Saunders, po akuzohet për përdhunim dhe një sërë veprash të tjera seksuale, disa prej të cilave me fëmijë.
74-vjeçari është arrestuar në Broome të mërkurën, pasi hetime paralele janë urdhëruar nga policia australiane dhe Papa, raportoi BBC-ja.
Saunders ka bërë të ditur se nuk do ta pranojë asnjë nga akuzat kundër tij. Ai është një prej klerikëve më të lartë katolik i cili po përballet me akuza të tilla.
Ipeshkvi po akuzohet me dy akuza për përdhunim, 14 akuza për sulm të paligjshëm dhe të pahijshëm, dhe tri akuza për sjellje të pahijshme me një fëmijë si person me autoritet.
Shkelja e supozuar ndodhi në qytetet e largëta të Australisë Perëndimore të Broome, Kununurra dhe komunitetin aborigjen të Kalumburu, midis viteve 2008 dhe 2014.
Ai u lirua me kusht të enjten dhe u urdhërua të qëndronte në shtëpinë e tij deri në seancën e ardhshme dëgjimore në qershor, raportoi Australian Broadcasting Corporation.
I shuguruar për herë të parë në 1976, Saunders ka kaluar pjesën më të madhe të karrierës së tij në rajonin e largët të Kimberley-t në cepin veriperëndimor të vendit dhe u emërua peshkop i Broome në vitin 1996.
