Një i vdekur në Australi pasi balena goditi anijen
Një burrë vdiq dhe një tjetër u shtrua në spital të shtunën në Australi pasi një balenë goditi dhe përmbysi anijen e tyre gjatë një ekspedite peshkimi, thanë autoritetet, shkruan BBC.
Policia ka thënë se viktima fillimisht u tërhoq me shenja jete në brigjet e Sydneyt, por vdiq më vonë, ndërsa i lënduari është në gjendje stabile.
Ministri i Shtetit për Shërbimet e Emergjencave, Jihad Dib, ka thënë se ishte një incident i frikshëm.
Policia nuk identifikoi llojin e balenës.
Vija e gjerë bregdetare e Australisë është shtëpia e 10 llojeve të mëdha dhe 20 llojeve më të vogla balenash. Vdekjet e njerëzve nga balenat në rajon janë të rralla.
