Papa Françesku u ka bërë thirrje vendeve evropiane që të tregojnë tolerancë më të madhe ndaj emigrantëve, gjatë një vizite në qytetin jugor francez të Marsejës.
Duke folur në një takim të peshkopëve dhe të rinjve nga vendet e Mesdheut, Papa tha se “ata që rrezikojnë jetën e tyre në det nuk pushtojnë”.
Presidenti francez Emmanuel Macron ishte në mesin e audiencës në fjalimin.
Kjo vjen pasi debati për migracionin është rindezur nga mbërritjet masive në ishullin italian të Lampedusa javën e kaluar.
Ministri i Brendshëm i Francës Gerald Darmanin, i cili përshëndeti Papën pas mbërritjes së tij në Marsejë të premten, tha se vendi nuk do të mirëpresë asnjë emigrant që vjen nga ishulli.
Rreth 8,500 njerëz mbërritën në Lampedusa me 199 varka midis të hënës dhe të mërkurës javën e kaluar, sipas Organizatës Ndërkombëtare të OKB-së për Migracionin.
Papa Françesku tha të shtunën se migrimi nuk ishte një emergjencë, por “një realitet i kohës sonë, një proces që përfshin tre kontinente rreth Mesdheut dhe që duhet të qeveriset me largpamësi të mençur, duke përfshirë një përgjigje evropiane”.
Ai gjithashtu bëri thirrje për "një numër të madh hyrjesh legale dhe të rregullta" të emigrantëve, veçanërisht atyre që ikin nga lufta, uria dhe varfëria, në vend që të "ruajnë mirëqenien e tyre".
