Botë

Presidenti Macron, pjesë e Forumit të Globsecut

Emmanuel Macron - presidenti i Frances

Presidentja sllovake, Zuzana Çaputova, foli në hapjen e forumit GLOBSEC 2023 në Bratislavë, të hënën, duke theksuar rëndësinë e mbrojtjes së demokracisë pas pushtimit rus të Ukrainës.

Forumi do të mbledhë 1200 liderë nga mbi 60 vende, duke përfshirë 11 krerë shtetesh dhe qeverish nga Evropa Qendrore dhe ajo Lindore (EQL) dhe më gjerë, duke përfshirë presidentin francez Emmanuel Macron dhe presidenten e Komisionit Evropian, Ursula von der Leyen.

Gjatë fjalës së saj hyrëse, Çaputova bëri thirrje gjithashtu për rritjen e përgjegjësisë nga pronarët e platformave të mediave sociale për përmbajtjen e postuar.

Sllovakia ka mbetur pa një qeveri të zgjedhur që nga dhjetori, kur qeveria e koalicionit e udhëhequr nga kryeministri Eduard Heger humbi mocionin e votëbesimit pas muajve të krizës politike.