Kolumbia ka thënë se plani për zhvendosjen e 70 hipopotameve jashtë shtetit do të kushtojë 3.5 milionë dollarë.

Lordi i drogës, Pablo Escobar, që u qëllua për vdekje nga policia në vitin 1993, importonte ilegalisht kafshë në shtetin e tij, përfshirë edhe hipopotame, në vitet e ’80-ta.

Pas vdekjes së tij, hipopotamet lëvizën të lirë dhe u shtuan, duke e bërë Kolumbinë një prej vendeve me numrin më të madh të hipopotameve jashtë Afrikës. Hipopotamet kanë pushtuar rajonin përreth fermës së Escobarit, shkruan BBC.

Autoritetet shpresojnë që t’i transferojnë këto kafshë në muajt e ardhshëm, 10 në Meksikë dhe rreth 60 në Indi.