Pesë përfaqësues transgjinorë të ushtrisë amerikane kanë vendosur të padisin presidentin Donald Trump për synimet e tij për të ndaluar personelin transgjinorë të shërbejë në forcat e armatosura.
Në 26 korrik presidenti Trump shkroi në Twitter se qeveria amerikane "nuk do të pranojë ose lejojë individë transgjinorë të shërbejnë në cilëndo pozitë" në ushtri, një ndryshim i politikës së Pentagonit dhe sipas padisë, i pa konsultuar me komandantët e lartë ushtarakë.
Njoftimi i zotit Trump shkaktoi protesta anembanë vendit.
Paditësit i kërkojnë në këtë rast gjykatës të deklarojë udhëzimin e zotit Trump si jokushtetues dhe të lëshojë urdhëresa për ta ndalur atë.
-
10 gusht 2017 17:19
-
Shpërndaje në: