Një gjykatë suedeze ka shpallur fajtore një grua 35 vjeç për krime lufte pasi kishte postuar fotografi të vetes me koka të prera të ekspozuara në një qytet sirian më 2014.
Fatosh Ibrahim u dënua me tre muaj burgim.
Gjykata tha se ajo “në dy raste publikoi fotografi të kokave të prera të ngulura në gardhe” të vendosura aty nga militantët e grupit të Shtetit Islamik, raportoi AP.
Ibrahimi përdori telefonin e saj për fotografitë në sheshin në Raqqa ku militantët kishin vendosur trupat dhe kokat e varura.
“Gruaja qartë ka shprehur simpati me veprimet e grupit të IS-it dhe veprimet e saj konsiderohen se lidhen me konfliktin e armatosur që po ndodhte në atë kohë”, ka thënë gjykata.
© KOHA.
