Në ditën e 13-të apo 296 orë pas tërmetit shkatërrues që goditi Turqinë dhe Sirinë, tre persona, përfshirë një fëmijë, janë shpëtuar nga rrënojat në Antakya.
Kërkimi dhe shpëtimi u bë nga ekipet në rrënojat e një ndërtese të shkatërruar, raportoi CNNTurk.
Ekipet pas studimit vërtetuan se nën rrënoja ishin tre persona të gjallë.
Aty kanë nxjerrë një fëmijë, një grua dhe një burrë, identiteti i të cilëve nuk dihet ende.
Kërkimi dhe shpëtimi i personave gjallë nga rrënojat po bëhet më i vështirë me kalimin e kohës. Llogaritet se gjasat janë të vogla që pas 72 orësh pas një fatkeqësie të shpëtohet dikush gjallë.
Në Turqi, shpëtimet e tilla janë quajtur mrekulli.
https://twitter.com/i/broadcasts/1gqxvyqvWWkJB
