Lideri koreano-verior e merr vajzën me vete për t’i vizituar trupat ushtarake
Foto: AP
Lideri koreano-verior, Kim Jong Un, e ka çuar vajzën e tij për t’i vizituar trupat në shënimin e 75 vjetorit të formimit të ushtrisë së vendit ndërsa lavdëroi “fuqinë e papërballueshme” të ushtrisë së tij me fuqi bërthamore.
Vizitës i parapriu një paradë ushtarake masive që filloi të mërkurën në kryeqytet ku Kim pritej të tregonte programin e armëve bërthamore, raportoi AP.
Paradat ushtarake të Koresë së Veriut vëzhgohen nga afër nga qeveritarë dhe ekspertë pasi shpesh paraqiten sisteme të reja armësh.
Në paraqitjen e parë, vajza e Kimit që besohet të jetë 9 ose 10 vjeç, qëndroi afër babait të saj ndërsa ai përshëndeste të pranishmit dhe më pas u ul afër tij. Analistët thanë se vendimi për ta sjellë të bijën kishte të bënte me atë se Kim dëshiroi t’ia rikujtoj botës se nuk ka qëllim t’i dorëzoj vullnetarisht armët bërthamore.
Përshkrimi i medias shtetërore për Kim Ju Ae, e cila është quajtur "e respektuar" dhe "e dashur", ka nxitur gjithashtu debatin nëse ajo po përgatitet si pasardhëse e babait të saj. Ajo mori pjesë në një test fluturimi të një rakete balistike ndërkontinentale në nëntor dhe ka shoqëruar babain e saj në një takim me shkencëtarët ushtarakë dhe një inspektim të raketave balistike.
