40 të vdekur në Pakistan, pasi autobusi bie nga një urë
40 persona kanë vdekur pasi një autobus me 44 pasagjerë është përplasur për një shtyllë të një ure dhe më pas ka rënë nga lartësia, raporton agjencia AP.
Autobusi me t’u përplasur për shtylle kishte marrë zjarr.
Në mesin e të vdekurve ka edhe gra e fëmijë.
Aksidenti ka ndodhur në rajonin malor Lasbela në jug të Pakistanit.
Nga autoritetet e Lasbelas është thënë se dyshohet se shkak i aksidentit ishte shpejtësia e madhe.
