42 të arrestuar për vrasjen e shtatë personave në Jerusalem

Policia izraelite ka arrestuar 42 persona në lidhje me sulmin vdekjeprurës në një sinagogë në lindje të Jerusalemit të premten mbrëma. Shtatë persona janë vrarë dhe së paku tre të tjerë janë plagosur në një prej sulmeve më vdekjeprurëse në vitet e fundit.

Dy persona të tjerë janë plagosur të shtunën në një sulm tjetër që ndodhi jashtë qytetit të vjetër të Jerusalemit. Policia izraelite ka bërë të ditur se i dyshuari për sulmin e së shtunës është një 13-vjeçar. Policia ka thënë se i dyshuari është neutralizuar, por nuk ka ofruar detaje të tjera.