Mijëra njerëz kanë protestuar në të gjithë Greqinë të mërkurën, kundër rritjes së çmimeve, raportoi “Euronews”.
Punonjësit e sektorit publik dhe atij privat u larguan nga puna për 24 orë të mërkurën për të protestuar kundër rritjes së normave të inflacionit.
Greva ndërpreu shërbimet në të gjithë vendin, me shkollat shtetërore të mbyllura dhe disa spitale publike që funksionojnë me staf të reduktuar.
Shumica e transportit publik në Greqi gjithashtu u ndaluan, duke përfshirë shërbimet e trageteve për në ishuj më të vegjël, ndërsa linjat ajrore kanë anuluar dhjetëra fluturime.
“Kërkojmë paga më të larta dhe mbrojtje sociale për të gjithë”, tha Konfederata e Punonjësve Privatë (GSEE).
Përleshje të shkurtra shpërthyen midis grupeve të vogla të protestuesve dhe policisë gjatë marshimeve në dy qytetet më të mëdha të Greqisë, Athinë dhe Selanik.
Grupe të vogla protestuesish hodhën koktej molotovi dhe gurë në drejtim të policisë, e cila u përgjigj me gaz lotsjellës.
Nuk ka pasur raportime për të lënduar.
