Afro 50 persona kanë vdekur dhe rreth 100 janë lënduar, pas një sulmi ajror në Birmani ku është shënjestruar një prej grupeve më të mëdha kryengritëse në këtë vend, raporton BBC.
Shifra e të vdekurve është dhënë nga koloneli Naw Bu, zëdhënësi i Ushtrisë për Pavarësinë e Kachinit (KIA).
Dëshmitarët në Kachin State, në veri të Birmanisë, thonë se aeroplanët kanë hedhur tri bomba në një koncert të organizuar nga KIA në fshatin Kansi.
Fshatarët thonë se nuk pati paralajmërime para sulmit.
Dëshmitarët kanë njoftuar se kanë dëgjuar tri shpërthime të mëdha rreth orës 20:30 të dielën.
