Asambleja e Përgjithshme e Kombeve të Bashkuara do të mbahet javën e ardhshme për të votuar për aneksimin e katër territoreve të pushtuara nga Rusia në Ukrainë dhe Rusia po lobon në mënyrë aktive për të mbajtur të fshehtë votën, shkruan Reuters.
Ukraina dhe aleatët e saj e shpallën referendumin rus në Donetsk, Luhansk, Kherson dhe Zaporozhye si të paligjshëm dhe të detyruar me forcë. Një rezolutë që do të votohet në OKB dhe e hartuar nga Perëndimi, do të dënonte lëvizjen e fundit të Moskës për të aneksuar katër territore pjesërisht të pushtuara.
Në një deklaratë për shtyp, ata dënuan "të ashtuquajturin referendum të paligjshëm dhe përpjekje për aneksim të paligjshëm". Kjo shkaktoi frikën e rusëve se disa vende që i konsideronin mike mund të votonin kundër interesave ruse.
Ambasadori rus në OKB, Vasily Nebenzya, pretendon se ky proces ishte “qartësisht i politizuar nga zhvillimi i ngjarjeve që synojnë të shkaktojnë përçarje në Asamblenë e Përgjithshme të OKB-së”. Nebenzya theksoi se ai mendon se një votim i fshehtë është i nevojshëm "sepse mund të jetë shumë e vështirë për disa njerëz që të shprehin publikisht pikëpamjet e tyre".
