Sulmuesi i Rushdies thotë se e admiron Ayatollah Khomeinin

Burri që akuzohet për therjen e shkrimtarit Salman Rushdie, ka thënë se ai e respekton Ayatollah Ruhollah Khomeinin, por se nuk mund të thoshte nëse u inspirua nga urdhri i lëshuar nga ish-lideri iranian, shkroi NYP të mërkurën.

Hadi Matar tha se ai kishte lexuar “vetëm disa faqe” të librit të Rushdies “Vargjet Satanike” dhe se një paralajmërim që ishte bërë për vizitën e autorit në Institutin Chautauqua i kishte dhënë idenë atij që të shkonte aty.