Botë

Tre të vdekur pas një sulmi me thikë në një kopsht fëmijësh në Kinë

Tre persona janë vrarë dhe gjashtë të tjerë kanë mbetur të plagosur si pasojë e një sulmi me thikë në një kopsht fëmijësh në provincën juglindore të Kinës, Jianxi, ka bërë të ditur policia lokale.

Një “gangster” 48-vjeçar me maskë sulmoi çerdhen private në qarkun Anfu, postuan zyrtarët në platformën e ngjashme me Twitter të Kinës, Weibo, raportoi The Independent të mërkurën.

Pasi hyri brenda, i dyshuari, i cili është identifikuar nga policia si Liu Mouhui, goditi me thikë dhe vrau të paktën tre persona. Moshat e viktimës ende nuk janë konfirmuar.

I dyshuari është në arrati pasi është larguar nga vendi i ngjarjes.

“Organet e sigurisë publike po bëjnë çdo përpjekje për të gjetur të dyshuarin”, thuhet në deklaratën e policisë.