Ushtria ukrainase e konfirmoi se qyteti lindor i Lysychanskut ka rënë në duart e forcave ruse, shkruan BBC-ja të dielën.
“Pas luftimeve të rënda për Lysychansk, forcat mbrojtëse të Ukrainës u detyruan të tërhiqen nga pozicionet dhe linjat e tyre të okupuara”, tha shtabi i përgjithshëm i ushtrisë.
Disa orë më parë, ministri rus i mbrojtjes, Sergei Shoigu, deklaroi se forcat e tij “e kishin kapur Lysychanskun dhe kishin marrë kontrollin e plotë të rajonit”.
Pjesa e mbetur e trupave ukrainase u tërhoqën, derisa komanda ukrainase njoftoi se rusët kishin përparësi në këtë betejë me artileri.
Para pushtimit, kreu i Republikës Çeçene të Rusisë, Ramzan Kadyrov, publikoi pamje ku shiheshin luftëtarët çeçenë në qendër të qytetit. Më të perëndim të Lysychanskut, qyteti u vu nën granatime të rënda, e të paktën gjashtë persona u vranë.
© KOHA. Të gjitha të drejtat janë të rezervuara.
