Botë

Amerikania thotë se qeni ia shpëtoi jetën, e mbrojti nga një puma

Një grua që u sulmua nga një puma (luan malor) në Kaliforninë Veriore, SHBA, thotë se qeni i saj u hodh në mbrojtje të saj dhe u plagos rëndë duke e mbrojtur atë, shkruan ABC News.

"Unë nuk mendoj se do të jem në gjendje ta përshkruaj se sa e mahnitshme dhe besnike është ajo ndaj meje", ka thënë Erin Wilson.

24-vjeçarja shkoi në mal për të bërë një shëtitje së bashku me qenin e saj. Ajo ishte në shtegun e ecjes, kur një puma u hodh për ta goditur.

Qeni më pas u hodh për ta shpëtuar pronaren, por përfundoi në gojën e luanit malor. Qeni filloi të qante dhe Wilson arriti ta trembte puma-n.

Qeni u lëndua, por jashtë rrezikut për jetën.

Sulmet e puma-s ndaj njerëzve janë të rralla, por në raste të tilla kafshët zakonisht vriten nëse kapen.