Botë

Inteligjenca amerikane pyetet për vlerësimin e gabuar që e bëri për Afganistanin dhe Ukrainën

Inteligjenca amerikane pyetet për vlerësimin e gabuar që ia bëri Afganistanit dhe Ukrainës
Foto: AP
 

Zyrtarët e lartë të inteligjencës amerikane u morën në pyetje të martën për atë se pse ata e vlerësuan gabim qëndrueshmërinë e qeverive si në Afganistan ashtu edhe në Ukrainë, dhe nëse duhet të reformojnë mënyrën se si agjencitë e inteligjencës vlerësojnë vullnetin e një ushtrie të huaj për të luftuar, raportoi AP.

Inteligjenca amerikane besonte se qeveria e Kabulit e mbështetur nga SHBA-ja do të rezistonte me muaj kundër talebanëve dhe mendonte se forcat ruse do të pushtonin Ukrainën brenda disa javësh. Të dy vlerësimet ishin të gabuara. Shtetet e Bashkuara dhe aleatët perëndimorë po nxitojnë tani për të ndihmuar rezistencën e Ukrainës kundër Rusisë në atë që është kthyer në një ngërç të ashpër dhe të dhunshëm.