Autoritetet filipinase njoftuan se të paktën 25 persona kanë vdekur nga rrëshqitjet e dheut dhe përmbytjet e shkaktuara nga stuhia tropikale Megi, e cila goditi brigjet lindore dhe jugore të vendit të Azisë Juglindore, ka raportuar CNN-i të martën.

Stuhia, me emrin Megi, nisi të dielën me erëra të qëndrueshme deri në 65 kilometra në orë. Ajo është stuhia e parë këtë vit që godet arkipelagun, i cili numëron rreth 20 stuhi të tilla në vit.

Në provincën lindore të Leyte, trupat e 22 personave u gjetën nën dhe, u tha gazetarëve Joemen Collado, shef i policisë së qytetit Baybay.

Agjencia kombëtare e fatkeqësive, e cila gjithashtu tha se tre persona kanë vdekur në rajonin jugor të Davaos, tha se viktimat e raportuara janë ende subjekt verifikimi.

"Kishte rrëshqitje dheu në komunitete dhe më pas disa nga viktimat u përfshinë nga përmbytjet”, tha Collado, duke shtuar se operacionet e shpëtimit janë duke vazhduar pasi të paktën gjashtë persona të tjerë janë të zhdukur.