Katër luftanije ruse kaluan përmes ngushticës Tsugaru në Japoninë verilindore mes të martës dhe të mërkurës, duke transportuar me gjasë trupa dhe automjete luftarake në Ukrainë, tha të mërkurën Ministria e Mbrojtjes e Japonisë.
“Ministria e Mbrojtjes e Japonisë do të vazhdojë të monitorojë situatën dhe lëvizjet e ushtrisë ruse me një ndjenjë të lartë kujdesi”, tha ministria në llogarinë e saj zyrtare në Twitter.
Ngushtica Tsugaru lidh detin e Japonisë me Oqeanin Paqësor dhe është mes dy ishujve kryesorë japonezë.
Një deklaratë nga inteligjenca e lëshuar nga Ministria e Mbrojtjes e Britanisë pati thënë se për shkak të humbjeve të mëdha të përjetuara në Ukrainë, Rusia po ridërgon forca të tjera.
