Katalonja do të falë 1000 njerëz të akuzuar për magji, shumica gra që quheshin shtriga
Parlamenti katalanas pritet ta kalojë rezolutën për të falur deri në 1000 njerëz – shumica prej tyre gra – të dënuar për magji në rajon 400 vjet më parë.
Lëvizja ndjek veprime të ngjashme që u morrën në Skoci, Zvicër dhe Norvegji pasi më shumë se 100 historianë evropianën nënshkruan një deklaratë me titull: Ato nuk ishin shtriga, ato ishin gra.
Presidenti i Katalonjës, Pere Aragones e përshkroi gjuetinë e shtrigave si “vrasje të institucionalizuar”.
Llogaritet se në mes të 1580 dhe 1630, rreth 50,000 njerëz u dënuan me vdekje për magji në Evropë, 80% prej të cilëve ishin gra, raporton Guardian.
Shtrigat zakonisht fajësoheshin për vdekjet e papritura të fëmijëve ose katastrofat natyrore dhe krizat e urisë.
Ndryshe nga pjesa tjetër e Evropës, shtrigat në Katalonia vareshin, nuk digjeshin në dru.
