Një hulumtues në Qipro ka zbuluar një variant të ri të koronavirusit, që është kombinim mes variantit Delta dhe Omicron, raporton “Bloomberg”.

Leondios Kostrikis, një profesor i shkencave biologjike në Universitetin e Qipros, e ka quajtur këtë variant “Deltacron”, për shkak se është kombinim i Deltas dhe Omicronit.

Deri tash, Kostrikis ka thënë se janë gjetur 25 raste me këtë variant. Është ende herët për të thënë se çfarë ndikimi mund të ketë ky variant.

“Do të shohim në të ardhmen nëse ky lloj është më patologjik apo më ngjitës apo nëse do të mbizotërojë”, ka thënë Kostrikis në një intervistë për “Sigma TV”.