Botë

Omicroni shkakton rritje të hospitalizimeve në Afrikë të Jugut

Foto: AP
 

Përhapja e variantit të ri të COVID-19, Omicron në provincën e Gauteng në Afrikën e Jugut ka shkaktuar rritjen më të madhe të shtrimeve në spital në krahasim me çdo valë të mëparshme të koronavirusit.

Vetëm Gauteng ka parë mbi 1,000 pranime në spital gjatë javës së kaluar, duke katërfishuar shifrën e regjistruar vetëm dy javë më parë, ndërsa Afrika e Jugut regjistroi gjithsej 1,802 shtrime në spital gjatë javës së kaluar deri të premten, që është dita e fundit për të cilën ka të dhëna.