Etiopia u bën thirrje grave të mobilizohen kundër rebelëve

Qeveria e Etiopisë po i inkurajon gratë që të ndihmojnë përpjekjen luftarake, duke dhuruar para, ushqim, madje edhe gjak për trupat qeveritare që po luftojnë në rajonin separatist, Tigrej.

Gratë janë bërë bashkë duke bartur thasë të mëdhenj me ushqime të mbledhura nga lagjet e tyre. Ato thonë se po ndihmojnë burrat që ndodhen në vijat e frontit. Lomi Bekele, mbështetëse e trupave qeveritare, ka thënë se është e gatshme të bëjë gjithçka për ushtarët.