Shefi i Kombeve të Bashkuara ka thënë se ka një boshllëk lidershipi në përpjekjet e botës për të reduktuar ngrohjen globale.
Këtë deklaratë sekretari i përgjithshëm i OKB-së, Antonio Guterez, e ka dhënë gjatë të martës, disa ditë para se të nisë samiti më i madh për klimën nën ombrellën e OKB-së.
Samiti do të mbahet në Gllasgou të Skocisë. Guterez ka thënë se po kalon koha për përmbushjen e qëllimeve të samitit të klimës të Parisit.
Ai ka thënë se ngrohja globale rrezikon të dëmtojë botën. Megjithatë ka thënë se liderët e shteteve me emetimet më të larta të dyoksidit të karbonit ende kanë kohë për hartimin e planeve konkrete për luftimin e ngrohjes globale.
