Botë

Dodik kërkon ndihmë ushtarake nga Rusia, s’përjashton konfliktin në Bosnjë

Anëtari serb i Presidencës së Bosnjë-Hercegovinës, Milorad Dodik, besohet se i ka kërkuar ndihmë ushtarake ministrit të Jashtëm të Rusisë, Sergej Lavrov, ka shkruar gazeta “Oslobodjenje”

Sipas informatave që disponojnë agjencitë e sigurisë të Bosnjë, Dodik ka kërkuar nga Lavrovi javën e shkuar në Beograd, ndihmë ushtarake në rast se vije deri të një konflikt i armatosur në Bosnjë.

Pak a shumë, këtë e ka konfirmuar sot edhe vetë Dodik, kur tha se “nëse vije deri te një intervenim i NATO-s, ne do të kërkojmë ndihmë nga miqtë tanë dhe ata nuk do të na tradhtojnë”.

Për të forcuar këtë, gazeta sarajevase shkruan se krerët e Mbrojtjes Civile të Republlika Srpskas janë parë javën e shkuar në atë që njihet si “Qendra humanitare serbo-ruse” në Nish.

Në fakt, Dodik ka kohë që po punon për ndarjen e Republika Srpskas nga Bosnja. Ai së fundi ka paralajmëruar “tërheqjen e dakordimit” për ushtri të përbashkët dhe institucione të tjera të rëndësishme për këtë vend.