Arrestohet sulmuesi që la 8 të vdekur në Perm të Rusisë
Foto: AP
12:18
Arrestohet sulmuesi që la 8 të vdekur në Perm të Rusisë
Një person i armatosur ka hapur zjarr në një universitet në qytetin rus Perm sot në mëngjes, duke ua marrë jetën së paku tetë personave. Ende nuk dihet numri i personave të plagosur. Sulmuesi është arrestuar, ka konfirmuar Ministria e Brendshme e Rusisë.
Universiteti i Permit ka njoftuar se sulmuesi ka përdorur një të ashtuquajtur armë “traumatike”, që normalisht nuk shkakton vdekje, por që besohet se ishte modifikuar nga sulmuesi me municion tjetër. Studentët dhe personeli universitar është mbyllur nëpër dhoma dhe salla mësimi. Drejtuesit e universitetit u kanë rekomanduar të gjithë atyre që kanë mundësi të largohen nga kampusi universitar.
Burime jozyrtare kanë raportuar për mediat ruse se disa prej studentëve janë hedhur nga dritaret në momentin që kanë dëgjuar të shtënat. Në këtë universitet janë të regjistruar më shumë se 12 mijë studentë.
09:59
Sulm me armë në një universitet në Rusi, raportohet për viktima
Në një universitet në Perm të Rusisë raportohet se janë dëgjuar të shtëna me armë, derisa disa studentë dhe mësimdhënës janë mbyllur nëpër klasa. Mediat e huaja raportojnë për pesë persona të vdekur dhe disa të lënduar.
Në pamjet e publikuara nga mediat lokale në Rusi thuhet se studentë kanë nisur të dalin nga dritaret. I dyshuari për sulm thuhet se ishte i armatosur dhe i veshur me të zeza, ndërsa ishte student i këtij universiteti.
#BREAKING: Shooting reported at Russian university, harrowing footage shows students jumping out of windows to escape gunman
