Botë

Shumica e amerikanëve të pavaksinuar besojnë se vaksina është më e rrezikshme se COVID-19

Foto: AP
 

Shumica e të rriturve të pavaksinuar në Shtetet e Bashkuara të Amerikës e shohin vaksinën kundër koronavirusit si një rrezik më të madh për shëndetin e tyre se sëmundja e shkaktuar nga vetë virusi, ka gjetur një sondazh i kryer së fundmi.

Fondacioni i Familjes Kaiser ka realizuar një hulumtim, të cilin e ka publikuar të mërkurën e i cili ka gjetur se ka një ndarje të madhe mes të rriturve të vaksinuar dhe atyre të pavaksinuar lidhur me atë se çfarë mendojnë se kush është rreziku më i madh gjatë pandemisë, shkruan The Washington Post.