Dy kisha tjera katolike janë djegur në komunitetet indigjene në perëndim të Kanadasë të shtunën.
Zjarret në kishat “St. Ann” dhe “Chopaka” nisën brenda një ore dallim në territorin e British Columbias, raporton BBC.
Autoritetet kanë njoftuar se kishat janë shkatërruar tërësisht, dhe po e trajtojnë zjarrin si të “dyshimtë”.
Të hënën e kaluar dy kisha katolike u dogjën nga zjarri, ndërsa Kanadaja po shënonte Ditën Nacionale të Njerëzve Indigjenë.
“Hetimet në zjarret e kaluara dhe dy zjarret e fundit po vazhdojnë, nuk ka arrestime apo akuza”, ka thënë rreshteri i Policisë kanadaeze, Jason Bayda.
Kjo vjen pas zbulimit të varreve në oborret e internateve të dikurshme në Kanada.
Shkollat e detyrueshme të financuara nga qeveria ishin të udhëhequra nga grupet fetare në shekullin e 19-të dhe 20-të me synim për të asimiluar të rinjtë indigjenë.
Grupet indigjene kanë kërkuar për një kërkim mbarë shtetëror për më tepër varre.
© KOHA. Të gjitha të drejtat janë të rezervuara.
