SHBA-ja ka dërguar 2.5 milionë doza të vaksinës antiCOVID në Tajvan, raporton BBC.
Numri është më i madh sesa 750 mijë doza që kishte premtuar SHBA-ja fillimisht se do t’ia dhuronte Tajvanit.
“Faleminderit SHBA-së për këtë gjest prekës të miqësisë”, ka thënë presidenti i Tajvanit, Tsai Ing-wen.
Tajvani kishte qenë i suksesshëm në menaxhimin e virusit fillimisht, por së fundi ka pasur një rritje të rasteve, ndërsa ritmi i vaksinimit ka qenë i ngadalshëm.
Tajvani akuzoi Kinën për intereferim në tentimet për të siguruar vaksina nga prodhuesit perëndimor.
Zyrtarët amerikanë thonë se donacioni është një demonstrim i përkushtimit të Washingtonit ndaj ishullit, një aleat kyç në rajon.
© KOHA. Të gjitha të drejtat janë të rezervuara.
