Botë

Vdiq presidenti i parë i Zambisë, Kaunda

Kenneth Kaunda
Foto: AP
 

Presidenti i parë i shtetit të Zambisë, Kenneth Kaunda, ka vdekur në moshën 97-vjeçare. Kaunda ishte presidenti i fundit i brezit të udhëheqësve afrikanë që luftuan kolonializmin. Ai vuante nga pneumonia dhe ishte shtruar në një spital ushtarak në kryeqytetin Lusaka.

Postin e presidentit e kishte marrë në vitin 1964, raporton BBC. Si kreu i Partisë së Bashkuar të Pavarësisë Kombëtare, me bindje politike të majta, Kaunda udhëhoqi vendin rreth një dekadë në sistemin njëpartiak. Dorëheqje kishte dhënë më 1991 pasi humbi zgjedhjet.