Dy ditë pasi i dërguari i tij në Lindjen e Mesme, Hady Amr, mbërriti për bisedime në Izrael, presidenti amerikan Joe Biden i ka telefonuar kryeministrit Benjamin Netanyahu dhe presidentit palestinez Mahmoud Abbas.
SHBA-ja e konsideron Hamasin si një organizatë terroriste, kështu që nuk flet me udhëheqësit e tij në Gaza. Ndërsa Abbasi është i vendosur në Bregun Perëndimor të okupuar dhe nuk ka asnjë ndikim mbi drejtimin e Rripit të Gazës, kjo e bën të vështirë çdo perspektivë të ndërmjetësimit të SHBA-së.
Biden i tha udhëheqësit izraelit se ai mbështeste të drejtën e Izraelit për vetëmbrojtje por shprehu shqetësim për fatalitetet në të dy palët.
Izraeli shkatërroi një bllok shumëkatësh në Gaza të shtunën që strehonte organizata të huaja mediatike përfshirë Associated Press dhe Al-Jazeera, duke pretenduar se inteligjenca ushtarake e Hamasit po vepronte atje. Pronari i ndërtesës e ka mohuar atë dhe organizatat e lajmeve thanë se ata nuk kishin njohuri për një lidhje të tillë. Një paralajmërim për evakuim ishte lëshuar para bombardimit.
Bideni bëri thirrje që gazetarët të mbrohen dhe gjithashtu i tha presidentit Abbas se ishte i vendosur për "forcimin e partneritetit SHBA-Palestinë".
