Botë

Sekretari Blinken viziton Ukrainën mes tensioneve me Rusinë

 

Sekretari amerikan i Shtetit Antony Blinken e vazhdon turneun në Evropë me një vizitë në kryeqytetin e Ukrainës, Kiev, ku të enjten ai pritet të takohet me presidentin Volodymyr Zelenskiy, kryeministrin Denys Shmyhal dhe ministrin e Punëve të Jashtme Dmytro Kuleba.

Sipas një njoftimi për shtyp të Departamentit të Shtetit, Sekretari Blinken do të "nënvizojë mbështetjen e palëkundur të Shteteve të Bashkuara për sovranitetin dhe integritetin territorial të Ukrainës përballë agresionit të vazhdueshëm të Rusisë".