Kompania farmaceutike amerikane “Pfizer” ka njoftuar të martën se deri në fund të vitit pret që të gjenerojë 26 miliardë dollarë përfitime nga vaksina e saj kundër COVID-19, shifër kjo për 70 për qind më e lartë sesa që ishte parashikuar.
Përfitimet shtesë janë reflektim i rritjes së kërkesave, si rrjedhojë e përshpejtimit të fushatave të imunizimit ndaj koronavirusit në të gjithë botën. Ky vlerësim i ri konsiston me 1.6 miliardë dozat që kjo kompani ka zhvilluar bashkë me “BioNTechun” gjerman dhe të cilat do të shpërndahen nëpër botë gjatë këtij viti.
Në çerekun e parë të 2021-s, vaksinat kanë qenë produkti më i shitur i “Pfizerit”. Veç kësaj, kompania ka njoftuar se është në negociata me disa shtete për dërgesa të vaksinave edhe për vitin 2022 dhe tutje. Drejtori ekzekutiv i kompanisë, Albert Bourla, ka theksuar se beson që gjatë viteve të ardhshme kërkesa për vaksinat kundër COVID-19 do të jetë e ngjashme sikurse me ato kundër gripit.
