Botë

Gjykata Supreme e lejon qasjen në të dhënat tatimore të Trumpit

 

Gjykata Supreme ia ka hapur rrugën një prokurori në shtetin e New Yorkut për t’i siguruar të dhënat e Donald Trumpit lidhur me kthimin e tatimeve, duke ia shkaktuar një goditje të fortë ish-presidentit amerikan që ishte munduar t’i fshihte raportet financiare.

Të dhënat tani do t’i dorëzohen një jurie për rregullat e fshehtësisë, që e kufizon publikimin e tyre. Vendimi përbën një disfatë të rëndë për Trumpin, ani pse të dhënat e tij tatimore nuk mund të zbardhen për publikun.