Dy vendet fqinje, Kroacia dhe Bosnjë-Hercegovina, edhe sot kanë raportuar numër të lartë të të vdekurve si pasojë e COVID-19.
Autoritetet shëndetësore në Kroaci kanë raportuar për 55 të vdekur e 3.539 raste të reja në 24 orët e fundit, kurse në Bosnjë janë raportuar 45 të vdekur e 1.239 raste të reja.
Numri i përgjithshëm i të vdekurve në Kroaci është rritur në 1.916, kurse i të prekurve me COVID-19 në 134.881. Në Bosnjë deri më tash janë shënuar 89.085 raste pozitive, kurse kanë vdekur 2.727 pacientë.
