2 perditesime
10:50

Pesë qytete amerikane digjen, vazhdojnë temperaturat ekstreme

Zjarret e shumta në Oregon të Shteteve të Bashkuara kanë shkatërruar plotësisht pesë qytete të vogla ndërsa numri i të vdekurve është shumë i lartë. Erërat e fuqishme dhe temperaturat e larta kanë nxitur 100 vatra zjarri nëpër perëndim të SHBA-së.

Oregoni është shteti më i goditur dhe një pjesë dy herë më e madhe se New York është bërë shkrumb e hi në këtë shtet amerikan. Shkencëtarët e klimës kanë fajësuar ngrohjen globale për temperaturat ekstreme dhe sezonet e thata në SHBA. Vetëm në vitin 2020 janë djegur 4.7 milionë ari tokë.

10:46

Zjarri në Kaliforni shkakton vdekjen e tre personave, rrezikon mijëra shtëpi

Zjarri në Kaliforninë Veriore po kërcënon mijëra shtëpi të enjten, pasi erërat që kanë fryrë e kanë kthyer në një përbindshëm që ka përfshirë shtëpitë në një komunitet të vogël malor dhe i ka shkaktuar vdekjen së paku tre personave, shkruan agjencia AP.

Disa tjerë kanë marrë djegie të rënda dhe qindra, nëse jo mijëra, shtëpi dhe ndërtesa tjera besohet se janë dëmtuar apo shkatërruar nga zjarri në North Complex në verilindje në San Franciscos.

Rreth 20 mijë persona janë nën urdhër të evakuimit apo janë paralajmëruar në Plumas, Yuba dhe Butte.

08:32

Qindra mijëra hektarë në tri shtete amerikane nën pushtetin e flakëve

Rreth 50 vatra të mëdha zjarri po shkatërrojnë tre shtetet fqinje të Bregut Perëndimor të SHBA-së, Kaliforni, Oregon dhe Uashington.

Guvernatori i Oregonit, Kate Brown, thotë se disa situata kanë qenë mjaft të tmerrshme për të bërë që edhe zjarrfikësit të tërhiqen.

“Oregon ka përjetuar zjarre historike pothuajse çdo vit, por zjarret e këtij viti janë “të pashembullta. Kjo është padyshim një ngjarje një herë në një brez “, tha ajo.

Qindra mijëra hektarë po digjen dhe mijëra njerëz janë evakuuar në një pjesë, pas nxehtësisë ekstreme dhe erërave të forta që favorizojnë flakët e pakontrolluara.

Në Oregon, mijëra lanë shtëpitë e tyre për t’i shpëtuar flakëve që tashmë kanë djegur më shumë se 230,000 hektarë.