Botë

Covid-19 në Evropë, nga Franca te Kroacia vazhdon rritja e rasteve të reja

Covid-19 në Evropë, nga Franca te Kroacia vazhdon rritja e rasteve të reja
 

Nga Franca, Italia e Spanja, deri në Zvicër dhe Kroaci, numri i infeksioneve të reja me koronavirus është rritur dhe po rritet po ashtu edhe frika për një ringritje të pandemisë në një kohë kur qeveritë po përpiqen të menaxhojnë kthimin e nxënësve në shkolla.

Franca regjistroi një rekord prej 5429 rastesh të reja në 24 orë, shifra më e lartë kjo që nga fillimi i testimeve masive. Kryeministri Jean Castex tha se shteti kishte rolin e tij në menaxhimin e situatës por në anën tjetër çdo francez duhet të jetë pjesë e luftës ndaj epidemisë.