Trump kërkon hetime transparente për shpërthimin në Liban

Presidenti i SHBA-së, Donald Trump, ka kërkuar hetime transparente ndaj shpërthimit në Bejrut, ku si pasojë vdiqën 158 persona. Trump i është bashkuar samitit virtual ndërkombëtar që është aranzhuar për të ndihmuar Libanin.

“Presidenti ka bërë thirrje për qetësi në Liban dhe i njeh të drejtat legjitime të protestuesve për transparencë, reformë dhe llogaridhënie”, thuhet në deklaratën e Shtëpisë së Bardhë.

Protestat në Liban po vazhdojnë.

Presidenti i Francës, Emmanuel Macron, ka bërë thirrje që të veprohet shpejt për të ndihmuar Libanin. Ai këto thirrje i ka bërë në samitin ndërkombëtar për ndihmë që po mbahet për Libanin, pesë ditë pas shpërthimit shkatërrues në Bejrut, shkruan BBC.

Macron ka thënë se duhet që sa më shpejt të vijë ndihma për popullin e Libanit. Presidenti i SHBA-së, Donald Trump, po ashtu pritet t’i bashkohet samitit virtual.

Zyrtarët llogarisin se shpërthimi në një depo, ku ruheshin mbi 2000 tonë nitrat amoni, ka shkaktuar dëme deri në 15 miliardë dollarë.

Shpërthimi ka lënë të vdekur së paku 158 persona, 6000 të lënduar dhe 300 mijë të pastrehë, raporton BBC.

Protestat në Liban kanë filluar të shtunën, ku qytetarët kanë shprehur pakënaqësinë ndaj Qeverisë.

Kryeministri i Libanit, Hassan Diab, ka thënë të shtunën se do të kërkojë zgjedhje të parakohshme si mënyrë për të dal nga kriza.

Liderët e shteteve të botës pritet të mbajnë një takim për të siguruar ndihma për Libanin.

Konferenca virtuale është organizuar nga Franca dhe Kombet e Bashkuara.

Presidenti i SHBA-së, Donald Trump, ka konfirmuar pjesëmarrjen në konferencën virtuale.

Zyrtarët e Libanit kanë vlerësuar se shpërthimi ka shkaktuar 15 miliardë dollarë dëme.

© KOHA. Të gjitha të drejtat janë të rezervuara.