BE-ja shënon 25-vjetorin e marrëveshjes së Shengenit me kufij të mbyllur Foto: Reuters

BE-ja shënon 25-vjetorin e marrëveshjes së Shengenit me kufij të mbyllur

26 March 2020 15:32

Bashkimi Evropian ka shënuar të enjten 25-vjetorin e marrëveshjes së Shengenit për kufij të hapur, ndonëse të gjitha hyrjet e daljet i ka të mbyllura, teksa tenton të parandalojë përhapjen e koronavirusit, shkruan REL.

Marrëveshja e Shengenit, që mbështet një Evropë secilën herë më të bashkuar, ka hyrë në fuqi më 26 mars të vitit 1995.

Fillimisht kufijtë ishin hequr në mes të Francës, Gjermanisë, Belgjikës, Holandës, Luksemburgut, Spanjës dhe Portugalisë.

Në muajt dhe vitet në vijim janë shtuar edhe vendet tjera, andaj tani pjesë e kësaj zone janë 26 vende anëtare, përfshirë dy vende jo-anëtare të Bashkimit Evropian, Zvicra dhe Norvegjia.

Megjithatë në përvjetorin e 25-të, marrëveshja është pezulluar për shkak të koronavirusit, sëmundje që ka pezulluar shumicën e aktiviteteve ekonomike dhe atyre shoqërore dhe ka kthyer shumicën e evropianëve në të burgosur nëpër shtëpitë e tyre.

“Përhapja e Covid-19 është duke pasur ndikim të madh në transportin evropian të kalimit të kufijve”, është thënë në një dokument të brendshëm të Komisionit Evropian, teksa i është referuar sëmundjes që shkakton koronavirusi.

© KOHA. Të gjitha të drejtat janë të rezervuara.

Komentet

Shto koment

Të ngjashme